Шу ауданы білім бөлімінің Әл-Фараби атындағы орта мектебінде мектеп директоры Ж.У.Алиасқаров ұжымға мемлекеттік жалпыға міндетті стандарт жобасындағы жаңартуларды таныстырып, олардың ерекшеліктерін түсіндірді. Стандарт пен оқу жоспарларына енгізілген өзгерістердің құндылықтарға бағытталғаны және ғылыми зерттеулер негізінде әзірленгені айтылды.

Сонымен қатар, стандарт талаптарын орындаудың міндеттілігі атап өтілді. Бұл талаптар оқу жоспарларын, бағдарламаларын, оқулықтарды әзірлеуде, тәрбие жұмысын ұйымдастыруда, педагогтердің біліктілігін арттыруда, мектепішілік бақылау мен оқыту нәтижелерін бағалауда ескеріледі.

Бастауыш білім беру мазмұны келесі пәндер топтарына біріктірілетіні айтылды:

• «Тіл және әдебиет» (Әліппе, Ана тілі, Қазақ тілі, Әдебиеттік оқу, Орыс тілі, Шетел тілі).
• «Математика және информатика».
• «Жаратылыстану» (Физика, Химия, Биология).
• «Адам және қоғам» (Әлем тарихы, Құқық негіздері).

Таныстырылым барысында ұстаздар жобадағы жаңашылдықтар жайында сұрақтар қойып, толық жауап алды. Жобаның барлық аспектілері жан-жақты талқыланды.Фото